@@@أثار المدبحة@@@ بقلم وليد النميري

@@@أثار المدبحة@@@

أثار المدبحة لسه باقية في قلبي*

جدرانة مجرحة بإيدين أغلي حبايبي*

كان أول الحكاية بوهم إسمه حب *

كان ليه من البداية يصدق إنه حب*

إداهم الأمان وصدق الأمل*

غطاهم بالحنان وشوقه كان جبل*

أثار المدبحة لسه باقية في قلبي*

جدرانة مجرحة بإيدين أغلي حبايبي*

غرق في بحرهم وصدق كدبهم*

ومهما كان يعاني كان حبه يغفرلهم*

وفي أول غلطة لية باعوه وغدروا بيه*

أسروه في زل الأماني وعمره مازلهم*

أثار المدبحة لسة باقية في قلبي*

جدرانه مجرحه بإيدين أغلي حبايبي*

الحب كان طير في قلبي*

سابني وطار عند حبايبي*

معرفش إنهم صادوه بمكرهم*

ولما رجعلي تاني دبحوه بغشهم*

والخنجر اللي طعنه كان هو حبهم*

إتعلق في الجدران ومسك فيها بمخالبه*

مدبوح ودمه سايل والنبض جوه قلبه*

كان قلبي هو داره وهو برضه دربه*

وكانت النهاية لحب عاش معايه*

دبحوه بظلمهم قتلوه بحبهم*

أثار المدبحة لسة باقية في قلبي*

جدرانة مجرحة بإيدين أغلي حبايبي*

لو ترجع السنين كنت أختارك يا قلبي*

ولا دوبت في الحنين ولا كانوا دول حبايبي*

لكن قدر السنين مكتوب فوق الجبين*

وكنت إنت الضحية وأنا كنت فخهم*

تحياتي

وليد النميري